Kókosblómkálsmússa

Blómkál er eins og kameljón. Það má brúka það í allskonar fyrir aumingja sem vilja gera matinn sinn horaðri en með fullt af fyllingu í mallakút. Blómkálshrísgrjón. Blómkálsmússa. Horuð pizza. Blómkálsklattar. Blómkálssúpa

Eins er það góður vinur þeirra sem vilja minnka kolvetnin í matnum, til dæmis ef við erum ekki aktíf á kvöldin og minnkum þá elsku vini okkar sterkjuna og flóknu kolvetnin. Þá getur verið gott að grípa í þetta yndislega grænmeti og malla úr því gómsæti sem gleður sinnið og svengdina.
Naglinn hefur sykurpúka á stærð við steppur Síberíu og því alltaf til í eitthvað sætt undir tönn til að halda honum ánægðum. Sæt en samt sykurlaus blómkálsmússa rennur því afar ljúflega niður.

 

IMG_6003

Kókosblómkálsmússa

Einn blómkálshaus
NOW kókoshnetudropar
1 msk Sukrin gold

 

IMG_5996

 

1. sjóða blómál í 20 mínútur eða þar til vel kokkað.  Því soðnara blómkál, því mýkri mússa.
2. Hella vatninu af, bæta Sukrin og dropum út í og mauka með töfrasprota þar til orðið flauelsmjúkt.

That’s it folks!  Gerist ekki einfaldara og fljótlegra. Naglinn á alltaf haug af mússu í Töpperver í kælinum til að grípa í sem meðlæti.  Passar með hverju sem er, eða bara alein og yfirgefin graðgað með skeið í smettið.

 

IMG_6000

Advertisements

2 thoughts on “Kókosblómkálsmússa

  1. Pingback: Lágkolvetna súkkulaðikaka – sjúkleg mjúkheit | ragganagli

  2. Pingback: Skinhoruð súkkulaðimússa | ragganagli

Comments are closed