Sætkartöflubrauð

Sætkartöflubrauð

 

 

Brauðin slá alltaf í gegn á matreiðslunámskeiðum Naglans, Now og Nettó.

Brauðin er hægt að gera glúteinlaus og sykurlaus og grunnuppskriftin er eins og auður strigi málarans. Það er hægt að gera sæt brauð og nota dásemdir náttúrunnar eins og döðlur, banana, kanil, engifer, rúsínur, negul, eplamús.

Síðan er hægt að gera matarbrauð og nota kryddjurtir/ krydd frá Himneskri Hollustu. Hvítlauksduft, rósmarín, pizzakrydd, oregano. Og bæta við grænmeti eins og hvítlauk, sæta kartöflu, rifið zucchini, rifna gulrót.

 

Þetta brauð fellur undir kategoríuna matarbrauð og er elduð sæt kartafla notuð í gleðina, en hún gefur dásamlegt mjúkelsi í bakkelsið svo sneiðarnar renna eins og bráðið smjör undir tönn. Kartöfluna er hægt að elda á ýmsa vegu.  Í álpappír í ofni í 90 mínútur á 200°, EÐA sjóða í potti í 30-40 mínútur EÐA pikka með gaffli og í 10-15 mínútur örbylgjuofni

 

 

 

Sweet-potato-bread-3

 

Uppskrift

1 skófla NOW pea protein

3 msk kókoshnetuhveiti

2.5 dl eggjahvítur

2 dl Himnesk hollusta haframjöl (eða glúteinfrítt ef þú vilt hafa brauðið glúteinlaust)

c.a 50g elduð sæt kartafla (án hýðis)

1 tsk lyftiduft

salt

pea-protein

sweet-potato

Aðferð:

Hella öllu saman í djúpa skál. Blanda saman með töfrasprota sleif.

Hella deiginu í silikonbrauðform

Baka á 170 ° í 30 mín eða þar til hnífur kemur út hreinn.

 

Leave a comment

Filed under bakstur, Fitutap, grænmetisréttir, Mataræði, Matreiðslunámskeið, morgunverður, Naglinn, prótín, sykurlaust, Uppbygging, Uppskriftir

Vertu smitberi

Hversu oft fitja börnin upp á nefið þegar brokkolí kemur í radíus við eldhúsborðið.

Unglingurinn sökkvir sér ofan í æfóninn þegar honum er boðið spínatsalat.

Makinn hnussar “Er þetta eitthvað hollustukjaftæði?” þegar þú býður upp á nýjan heilsurétt.

Systirin hneykslast á öllu þessu hlaupaveseni í þér. “Er þetta ekki slæmt fyrir hnén.”

Vinirnir hlægja í föstudagsbjór. “Nei hann er ekkert að drekka í kvöld. Orðinn svo heilagur í þessu heilsuveseni.”

Að breyta lífsstíl sínum getur oft verið eins og að synda á móti straumnum í Öxará.

Þú upplifir einmanaleika.
Skilningsleysi og skort á stuðningi.
Vonleysi og frústrasjón.

Auglýsingar, athugasemdir, yfirlýsingar og neikvæðni eru eins og árstraumurinn sem reyna að hrífa þig með sér til baka.

Því samfélagið vill að þú sért niðri í sollinum með sér innan um sveittar franskar, djamm og sjónvarpsgláp.

Þá er alltof auðvelt að henda inn handklæðinu, hætta þessu heilsuveseni og láta hrífast aftur niður ána með straumnum.

Rannsóknir sýna að við breytum venjum okkar til að þær passi við félagslega netið okkar.

Í hvora áttina sem er.

En haltu fast í trjágreinina og haltu áfram að berjast upp í móti.

Vertu fyrirmynd og sýndu hinum að heilbrigt líferni geri þig að betri manneskju og þar með betra foreldri, systkini og vini.
Því þegar okkur líður betur með okkur sjálf þá sýnum við meiri kærleika og hlýju.

Því venjur eru smitandi.
Hvort sem þær eru góðar eða slæmar.

Vertu smitberi.

Leave a comment

Filed under Bölsót, Fitutap, Hugarfar, Mataræði, Naglinn, Sálfræði, Uppbygging

Neanderthalsmaðurinn í spinning

Mannskepnan er gerð til að hreyfa sig.

En nútímasamfélag hefur gert okkur alltof auðvelt að forðast hreyfingu.

Við sitjum í bílum, sitjum svo við skrifborð þangað til við förum heim og setjumst fyrir framan imbann.

Að sitja eru nýju reykingarnar segja gúrúarnir.

En þegar hnén braka og bresta við að standa uppúr sófanum eftir fréttir og Útsvar. Þegar bakið grenjar eftir þriðja þáttinn í röð af O.J Simpson. Þá veit maður að gúrúarnir hafa eitthvað til síns máls.

 

En nútímasamfélag er líka búið að flækja hreyfinguna fyrir okkur.

Hjólreiðar, hlaup, Crossfit, þríþraut, spinning, Zumba, ketilbjöllur, maraþon.

 

Instagram og Snapchat sýna okkur æfingar á mælikvarða herþjálfunar.

Facebook og vefsíður sem vilja að þú tætir upp malbik eða rífir í járn.

 

Hvað í dauðanum á maður að gera til að skekja skankana og verða hraustari?

 

Hreyfing er ekki bara að fara í ræktina.

Æfingar eru í raun bara fabrikkuð leið til að láta skrokkinn gera sem hann hefur elskað og vitað í gegnum mannkynssöguna.

 

Forfeður okkar þurftu ekki spinning tíma kl 12:10

Þeir þurftu ekki CrossFit æfingu í kjallara

Þeir gerðu hnébeygjur án þess að eiga power skó og magnesium.

 

Þeir köstuðu, gripu, drógu, sveifluðu, beygðu, klifruðu, löbbuðu, mokuðu.

 

Þeir þurftu ekki Reykjavíkurmaraþon til að hlaupa milli staða eða Zumbatíma til að fagna með dansi.

 

En fæstir veiða sér til matar og nota lyftuna oftar en góðu hófi gegnir. Og taka selfies í lyftuspeglinum.

 

Að hreyfa sig ekki er er því risastórt tap. Sorrý Blackberry. Hreyfing snýst ekki bara um æfingu. Hreyfing eru samskipti líkamans við umhverfið. Hvernig við sitjum, stöndum og hlaupum til líkamstjáningar, líkamsstöðu og jafnvægi.

 

 

Það er ekki til nein rétt eða röng hreysti.

 

Það er hægt að gera allt frá bogfimi til spinning.

Snörun eða snú-snú

Keila eða ketilbjöllur.

 

Það er bara til þín eigin hreysti.

 

Finndu hvað kitlar pinnann þinn.

Finndu hvernig þín líkamsbygging fúnkerar best.

Finndu gleðina að geta gera nýjar hreyfingar.

Sjálfstraustið eflast við árangur

Hvernig daglegu hlutirnir verða auðveldari. Að bera innkaupapoka, að labba stiga og opna sultukrukkur.

 

Tilfinningin þegar þú ferð frá þungum og stífum yfir í sveigjanlegan og tignarlegan skrokk er

Þegar þú yfirstígur eigin hömlur og getur brúkað skrokkinn eins og þú vilt og þegar þú vilt.

Sú tilfinning verður ekki metin til fjár.

Sorrý Eurocard.

 

 

Leave a comment

Filed under Æfingar, Þolæfingar, Fjarþjálfun, Naglinn, Styrktarþjálfun

Nálgunarmarkmið frekar en Forðunarmarkmið

 

Nú er mál að linni. Dagar víns og rósa verða að víkja og heilbrigðari hættir hylltir.

 

Nammibindindi

Enginn sykur.

Ekkert glútein

Út í hafsauga með mjólkina. Sorrý Búkolla.

Ekki sopi af ropvatni. Sorrý Ölgerðin.

Ekki arða af æti inn um stútinn eftir kvöldmat.

Ekki liggja eins og flökuð skata

 

Hausinn undir og allt gefið í botn.

EKKI, EKKI, EKKI.

 

Má ekki láta undan öllum púkunum sem dansa um hjarnann bíðandi færis að fremja hryðjuverk á árangrinum.

 

BANNAÐ. BANNAÐ. BANNAÐ.

 

Alltof oft setjum við okkur markmið um að forðast eitthvað. Hætta einhverri hegðun.

Þvinga okkur til að gera EKKI eitthvað.

 

Lok, lok og læs og allt í stáli. Lokað fyrir Páli.

 

En þegar eitthvað er bannað öðlast það vald yfir okkur því við upplifum söknuð. Vanþurft og viðjar. Föst í köngulóarvef af boðum og bönnum.

 

 

IMG_0199

Þá mætir uppreisnarseggurinn upp á dekk. Unglingurinn í okkur. Íklæddur leðurjakka, með hanakamb og lokk í nefinu.

 

“Allir hinir MEGA borða piparhúðað NóaKropp. Ég má alveg líka.”

“Þetta heilsudæmi er svo erfitt. Má ekki neitt.”

“Klára bara pokann núna og svo ekkert á morgun. Þá verð ég ‘ALL IN’ sko”

 

 

Vanakerfið í okkur virkar ekki vel í þvingunaraðgergðum eins og í viðskiptabanni gegn Rússlandi.

 

Vanakerfið vill læra nýjar venjur en fær aðskilnaðarkvíða við að sleppa þessum gömlu.

 

 

Það er því mun vænlegra til árangurs að nota jákvæð nálgunarmarkmið þar sem við búum til nýjar venjur

 

Fara í ræktina allavega 3 x í vikunni

Borða morgunmat.

Prófa nýjan heilsurétt

 

Skoða líka hvað þegar erum þegar að gera gott og byggjum ofan á það.

 

Drekka meira vatn yfir daginn.

Taka oftar stigann í vinnunni

Labba oftar í búðina

 

 

 

Þannig virkjum við sköpunargáfuna, áhugann og viljann í okkur til að velja rétt.

Smám saman taka nýjar betri venjur yfir þær gömlu sem við viljum sleppa

 

Forðunarmarkmið vekja vanmátt, vonleysi og hjálparleysi

Forðunarmarkmið búa til vanþurft og vanlíðan þar sem þú sleikir fangelsisrimla takmarkana og frelsisskerðingu.

IMG_0196

 

Nálgunarmarkmið eru valdeflandi og efla sjálfstraust og baráttuanda.

 

Nálgunarmarkmið gera breytingaferlið að harmonískri gleði þar sem þú upplifir frelsi og víðsýni til að velja sjálfur.

 

 

 

 

 

Leave a comment

Filed under Bölsót, Fitutap, Fjarþjálfun, Hugarfar, Mataræði, Naglinn, Sálfræði, Uppbygging

Oumph fajita

Oumph-fajita

 

Þetta er ein af þessum fljótlegu. Ein af þessum sem þú grípur í þegar nennan er í núlli og næring þarf að komast í ginið en, to, tre.

 

Oumph fajitas

1/2 poki Kebab Oumph (Gló, Krónan)

gúrka, paprika, gular baunir úr dós, iceberg kál.

Heilhveiti eða Low-carb Tortilla.

Salsa sósa, sýrður rjómi 5%, hummus

Hita pönnu. Smyrja með 1 tsk kókosolíu Henda Oumph og steikja í 1-2 mínútur.

Raða á tortillu. Fyrst smyrja með hummus og salsa, svo grænmeti, enda á Oumph og toppa með sýrðum.

 

nettó-lógó

Leave a comment

Filed under grænmetisréttir, grænmetisréttir, Low-carb, Mataræði, Matreiðslunámskeið, Naglinn, Sjoppur, Uppskriftir

Jarðarförin þín

Í jarðarförinni þinni mun enginn tala um kílóatöluna þína.
Þeir munu hins vegar tala um þyngdina á útgeislun þinni.

Minningargreinarnar um þig munu ekki fjalla um buxnastærðina.
Þær munu fjalla um stærð persónuleika þíns.

Umræðuefnið í erfidrykkjunni verður ekki ummál brjóstanna heldur hlýjan sem þar býr.

Fólk mun ekki minnast þín út frá plássinu sem þú tókst í rýminu.
Heldur hversu mikið pláss þú tókst í huga þeirra.

Ekki hversu mikið buxnastrengurinn snerti mallakútinn þinn.
Heldur hversu mikið þín nærvera snerti hjörtu fólks.

Þú ert svo miklu meira en skelin.

 

you-is-kind-you-is-smart

Leave a comment

Filed under Hugarfar, Naglinn, Uppbygging

Græni þrumuísinn

minticecream3

 

 

Naglinn er áferðarperri. Allt þarf að vera þykkt. Lepjuþunnir sjeikar valda óhamingju í sinninu og

 

 

Sumir drekka grænu þrumuna sína. Úr glasi eða krús.

Sumir gera grænu þrumuna svo þykka að hana þarf að borða úr skál. Með skeið. Eða hníf og gaffli.

Tekur ekki nema 5 mínútur og málið er dautt.

 

1 skófla (25 grömm) NOW casein prótínduft
10-12 klakar
1 stilkur grænkál
handfylli spínat
1 tsk xanthan gum (fyrir þykkelsið)
4-5 dropar af karamellu stevia
125 ml vatn (fyrir enn meira þykkelsi)

* hægt að nota mysuprótín en verður ekki eins þykkt

 

 

 

 

græna þruman

 

Aðferð:

Hræra á hægum hraða** þar til klakarnir blandaðir vel saman við hitt gumsið.

Hella í skál og njóta eins og ljónið með ginið galopið.

** lykilatriði fyrir þykka búðingsáferð

 

 

minticecream

Og horaðri súkkulaðisósu… alltaf að borða allt með súkkulaðisósu.

Allt stöffið fæst í Nettó… meira að segja vatnið

20150916_133708

Leave a comment

Filed under Fitutap, grænmetisréttir, kvöldsnæðingar, Low-carb, Mataræði, Matreiðslunámskeið, morgunverður, Naglinn, prótín, sykurlaust, Uppbygging, Uppskriftir