Naglinn býr í stærsta innflytjenda og múslima hverfi Kaupmannahafnar og því óhjákvæmilegt að borða ekki reglulega á tyrkneskum veitingastöðum.
Eldamennskan og matreiðslan hefur ratað inn í eldhúsið og Naglinn því orðin vel sjóuð í öllum þessum uppskriftum með skrýtnu nöfnin.
Þessar Kofta bollur eru ólöglega gómsætar. Kofta bollur eru hakkbollur með allskonar kryddum í deiginu. Þær nefnast stundum shish Kofte.
Þær eru yndislega einfaldar, fljótlegar og gómsætar.
Þær slógu rækilega í gegn í nýlegu matarboði Naglans með þjálfara sínum Birgi Konráðssyni þjálfara með meiru og fjölskyldu hans.
Þar voru þær bornar fram með dásamlegu salati, hrísgrjónum, heimagerðu hummus og tzatziki.
Kofta bollur
500g 4% Nautahakk (fæst í Kjöthöllinni)
2 msk fínt söxuð Steinselja
2 msk fersk söxuð minta eða 1 tsk þurrkuð minta
1 hvítlauksrif marið
1 x fínt saxaður Rauðlaukur
1 ½ tsk allrahanda
Salt + pipar
1 ½ tsk Kanill
½ tsk Múskat
Aðferð:
Kreista mesta vökvann úr söxuðum rauðlauknum.
Blanda hakki, lauk og kryddum vel saman í skál.
Móta bollur með blautum höndum.
Steikja á pönnu í 1 tsk hitaþolinni olíu t.d ólífuolía frá Himnesk hollusta.
Bera fram stofuheitar eða sjóðandi heitar með dýfum, villtri hrísgrjónablöndu frá Himnesk hollustu og góðu salati.
- Ef möguleiki og nægur tími, þá er gott að setja deigið í kæli í 1-12 klst til að leyfa kjötinu að sjúga í sig bragðið af kryddunum.
Ef þú vilt læra meira af hollri miðausturlenskri matargerð þá er matreiðslunámskeið Naglans eitthvað fyrir þig
Ragga Nagli 