Lóð á ánægjuvogina – ummæli fjarþjálfunarkúnna

Það er fátt gleðilegra en þegar lærisveinarnir upplifa jákvæðar breytingar á heilsu, líkama og atgervi og að fá jafn falleg ummæli frá harðduglegum fjarþjálfunarkúnna örvar tárkirtlana hjá grjóthörðum Naglanum.

“Hef verið að segja það við þig í huganum síðustu vikur. Fyrst er, að þú ert snillingur. Þegar maður er að byrja og er í því ástandi sem ég var í, þá skiptir öllu að rétt sé farið að. Allt svo akkúrat. Æfingarnar erfiðar en ekki of, lengd æfinganna nógu mikil en ekki of, fyrir utan að allt er á ,,réttum” dögum, akkúrat þegar ég á einhvern séns að komast.

Veit að það hefði nú verið hægt að hliðra til þar en það hefði pottþétt dregið úr mér og ekki komið mér eins örugglega á sporið.

Svo er það mataræðið, svo RÉTT.

Ég hef ekki þekkinguna en ég hef líkamann og hugann til að finna og upplifa. Svo algjörlega sannfærð um hvað það er rétt. Matseðillinn er skýr, afmarkaður, en samt með möguleikum. Ég er ekkert smá glöð yfir að hafa möguleikann á að gera kvöldmáltíð sem mér finnst góð og hlakka til að fá. Það er vafalaust hægt að gera þetta allt meira spennandi og ég á eftir að eyða meira tíma í að finna allskonar útfærslur.

Eftir að hafa farið mjög vel í gegnum allt, melt upplýsingar, hugsað um hlutina gerðist eitthvað. Þínar athugasemdir gerðu í alvöru eitthvað stórt. Allavega þá fór ég yfir erfiðasta hjallann, en það er að byrja, ná einbeitingu og koma viljanum í gang. Ég er mjög einbeitt og treysti þér 100%.”

Fleiri skemmtileg ummæli frá fjarþjálfunkarkúnnum hér
Nánar um fjarþjálfun Röggu Nagla hér

Advertisements