Smúðingsskál

Ég elska morgunmat. Ég er líka áferðarperri. Ég er líka átvagl og vil borða mikið og vera lengi að borða. Þess vegna er hnausþykkir smúðingar í miklu uppáhaldi.
Stundum er þeim graðgað í ginið berrössuðum beint uppúr blandaranum með skeið. Engar ondúleringar eða vesen.

En stundum er þeim skúbbað í skál og puntaðir með fræjum, hnetum, kakónibbum og ávöxtum.

Casein prótínduft og baunaprótín verða mjög þykk í hræring og henta mjög vel í þykkelsisgleði.
Fyrir þá sem þola illa mjólk eða eru vegan þá eru plöntuprótín eins og baunaprótín, brúngrjónaprótín eða hempprótín mjög góður valkostur.

Plant protein complex frá NOW samanstendur af baunaprótíndufti ásamt kínóa og hemp.
Er að missa mig yfir nýja súkkulaði mokka bragðinu.

Nú er hægt að panta NOW vörurnar í Danmörku.
Afsláttarkóði: RAGGANAGLI gefur 20% afslátt.

Uppskrift

10-12 klakar
1 skófla NOW plant protein complex súkkulaði mokka eða casein prótín
100 ml Rebel Kitchen skimmed Mylk
1/2 tsk NOW xanthan gum (fæst í Nettó)
2 lúkur spínat/grænkál
1 tsk NOW spirulina duft
5-7 dropar NOW Better Stevia French vanilla eða English toffee dropar

Aðferð:

Mylja fyrst klakann mélinu smærra í blandara
Henda svo restinni í blandarann og hræra á púls stillingu (með pásum) til að byrja með.Skrapa niður með hliðunum í pásunum milli hræringa.
Þegar gumsið er orðið samvinnuþýðara þá stilla á hægustu stillingu á blandaranum og láta ganga þar til þykkur sjeik hefur myndast.

Hella þá dýrðinni í fallega Tulipop skál. Toppa með krönsuðu Adonis, kakónibbum, ristuðum kókósflögum, eða hvað sem kitlar pinnann þinn.