Sykurlausa eplakompót Naglans er ekki þessa heims.
Skúbbað yfir heitan eplapægraut á morgnana, toppað með vanillu eggjahvítuís og þú gætir allt eins verið að slurka í þig dísætri eplaböku í eldhúsinu hjá múttu.
Eplapægrautur
1 skammtur
40g haframjöl
2 msk NOW Psyllium Husk
klípa salt
epladropar frá Myprotein.com
1/4 rifið zucchini
vatn eftir þykktarsmekk grauts
1 epli skrælt, kjarnhreinsað og skorið í litla teninga
1 tsk kanill
1/2 msk NOW erythritol
1 msk sykurlaust pönnukökusíróp eða maple dropar (Frontier eða Myprotein)
2 msk vatn
NOW Better Stevia cinnamon vanilla dropar eða French vanilla
Setja allt saman í pott og láta suðuna koma upp. Lækka niður í miðlungshita og leyfa að malla í 20-30 mínútur eða þar til eplin verða mjúk.
Eins má nota kjarnorkuna, og hræra öllu saman í skál og inn í örbylgjuofn í 3-4 mínútur.
Hella eplakompótinu yfir heitan grautinn. Toppa síðan gleðina með eggjahvítuís sem bráðnar ofan í heit eplin. Þú mátt alveg gera ráð fyrir raðfullnægingu í munninum.