Þessi dinner er í miklu uppáhaldi hjá Naglanum þessi dægrin.
Low-carb tortilla með horaðri hakkgrýtu og allskonar gúmmulaði.
Það ískrar í átvaglinu þegar þessari dásemd er sporðrennt í óseðjandi svartholið.
Innihald:
-Low-carb tortilla (keypt á Dialife.eu)
–Hakkgrýta Naglans
-Horuð Tzatziki
– Hummus
– Horaður ostur
– Gúrka
-Iceberg
Smyrja tortilluna með hummus og tzatziki.
Raða ostsneiðum og gúrku ofan á.
Slumma grýtunni yfir og dreifa vel úr.
Icebergið á toppinn.
Rúlla saman.
Naglinn sker rúlluna í tvennt til að auðvelda átið, og blekkja átvaglið að meiri matur sé í boði.
Troða í grímuna og smjatta vel.
Ragga Nagli 