Eggjahvítur er fæða guðanna enda einn besti prótíngjafi sem völ er á. Í morgunsárið eftir föstu næturinnar gargar líkaminn á næringu, bæði kolvetni og prótín til að fylla á birgðirnar fyrir átök dagsins. Þess vegna gúllar Naglinn eggjahvítur með grautnum í bítið.
“Euuughhh… eggjahvítur… það er svo óspennandi” heyrist úr hálsum efasemdafólksins. En aumingja þeir, því það eina sem þeim dettur í hug eru bragðlausar harðsoðnar hvítur…. frekar þið en Naglinn.
Því lummur eru það heillin á morgunverðarborðinu og súkkulaðidísirnar fá að njóta sín heldur betur í þessari varíasjón.
5 eggjahvítur (150 grömm)
1 mæliskeið HUSK
1/4 tsk xanthan gum (fæst í Kosti)
1/2 tsk lyftiduft
1 tsk ósætað kakóduft (t.d Hershey’s Unsweetened)
nokkrir dropar Stevia súkkulaðidropar
Öllu skellt í blandara og mixað saman í nokkrar mínútur þar til deigið er orðið þykkt. Á meðan hræran dundar sér í blandaranum er kveikt undir pönnukökupönnu
Hella 2 matskeiðum af deigi á heita PAM-spreyjaða pönnu og lækka í millihita.
Leyfa að dúlla sér þar til loftbólur myndast og endarnir farnir að þorna. Þá er lummunni skellt á bakið og leyft að dunda sér í 1-2 mín.
Þessi uppskrift gefur 4-5 lummur. Hrikalega gott með sykurlausri stikkilsberjasultu sem Naglinn sjoppar hinum megin við pollinn í Malmö. Aðeins 8 kcal í 30g skammti.
Pingback: Sítrónulummur | ragganagli
Pingback: Nestisblæti | ragganagli
hkg15
Reblogged this on helgakristing.
Berglind
Það stendur 1 mæliskeið Husk. Hvað er það? Matskeið, teskeið eða?
ragganagli
mæliskeiðin sem fylgir dunknum. Hún er c.a 2 tsk