Þó þú gerir ekki nema eitt í dag nema skella í þessa gómsætu karamellusósu.
Sem hefur fengið þann hógværa stimpil að vera það allra gómsætasta á byggðu bóli.
Til að bæta við ferilskrána er að þú þarft aðeins að plokka þrjú innihaldsefni úr skápunum
Og tekur innan við fim mínútur í framkvæmd.
Hvað getur maður beðið um betra?
Innihald:
500g mjúkar döðlur (t.d Himnesk hollusta) *
8-10 msk ósætuð möndlumjólk (t.d Isola þessi græna) **
1 tsk sjávarsalt
* Ef þú átt bara gamlar og skorpnar döðlur í skápnum leggðu þær í bleyti í heitt vatn í 1-2 klst.
** Meiri vökvi fyrir þynnri karamellu og meiri sósuáferð.
Aðferð:
Dömpa öllu stöffinu í öflugan blandara eða matvinnsluvél þar til mjúkt og blandað.
Þarf stundum að skrapa aðeins niður meðfram hliðunum
Og málið er dautt.
Henda karamellunni í kæli í nokkrar klukkustundir.
Hreinn og klár unaður út á morgungrautinn, ísinn, smúðinginn, sjeikinn, flöffið, brauðið, flatkökuna…. eða bara á puttann
1-2 tsk er fínn skammtur
Ragga Nagli 