Eggaldingratín

Ný vika í aðsigi og nýr kjötlaus mánudagur.

Hér kemur uppskrift að sáraeinföldu og fljótlegu gratíni.

Hver hefur tíma til að snuddast í eldhúsinu þegar eyða má mínútunum frekar í eitthvað sem skiptir máli eins og gæðastundir með familíunni?

 

 

Eggaldingratín-2

 

Þessa má líka aðlaga að því sem til er í ísskápnum og tilvalið að henda afgöngum gærdagsins í partýið. Naglinn er sérstök talskona þess að minnka matarsóun í heiminum.

Uppskrift

1 eggaldin
5-6 sveppir
3 tómatar
1/2 dós svartar baunir
1/2 laukur
1 msk tómatpúrra
nokkrar ostsneiðar
Krydd: paprikuduft, salt, pipar, kanill, chili, hvítlauksduft

Aðferð:

  1. Skera eggaldin, lauk og sveppi og snöggsteikja á pönnu þar til mjúkt. Bæta tómötum, baunum, púrru útí og leyfa þeim að malla og bralla saman í smástund. Krydda eins og vindurinn
  2. Gumsa öllu í eldfast mót. Þrykkja í ofninn á 200° í 20-25 mínútur. Málið er dautt.

 

Með þessu gratíni er ööönaður að slurka smá horaðri pítusósu Naglans á kantinn ásamt góðu salati og grjónum.

 

 

Eggaldin-gratín

Advertisements