Það dásamlega við jólin í útlöndum er að það er pollrólegt yfir vötnum. Lítið um tölvupósta, fáar símhringingar, engir fundir eða planlagðir hittingar. Svo það er hægt að dúlla sér í eldhúsinu við allskonar tilraunastarfsemi á gúmmulaðis hollustugleði og um að gera að nota þennan rólega tíma áður en janúar holskeflan ríður yfir í fjarþjálfuninni.
Súkkulaðikókoskaffibollaka
40g haframjöl (blandað í öreindir)
1 msk kókoshnetuhveiti (t.d Dr. Goerg)
1 msk NOW erythriol
½ tsk lyftiduft
2 tsk ósætað kakó (t.d Hershey’s)
2 eggjahvítur
65g stappaður banani
2 msk möndlumjólk (eða belju/soja)
NOW kókoshnetudropar
1. Smyrja djúpa skál að innan með kókosolíu eða spreyja í spað með PAM. Öllu blandað saman með gaffli og örrað í 2-4 mín (tími fer eftir örranum) eða þar til orðin þurr að ofan og þungur knífur kemur skraufþurr uppúr kökunni. Leyfa að kólna í nokkrar mínútur áður en hvolft á disk.
Toppað með hlynsíróps-hnetusmjörssósu Naglans…. sem passar bæði með sætmeti og kvöldmeti.
Hnetusmjörssósa
PB2 eða hnetusmjör blandað með Walden Farms pönnukökusírópi eða Maple dropum, Sukrin og sjávarsalti.
Hræra saman og hella yfir kökuna.
Algjör öööönaður með undanrennurjóma og horaðri súkkulaðisósu
Ragga Nagli 