French toast er bragðafbrigði sem framkallar litla fullnægingu í munnholinu og fær því að slæðast með í eggjahvítupönnsur með reglulegu millibili. Naglinn snæðir slíkar lufsur samhliða grautargleði í morgunsárið og sama prinsipp gildir fyrir þær eins og grautinn: Einhæfni er leiðin til glötunar.
Naglinn uppgötvaði þessa dásemd í pönnsur þegar bragðdropar frá Capella með French Toast-bragði voru sjoppaðir í fyrndinni þegar dropablætið var rétt í fæðingu.
En eftir uppgötvun snilldarvefsins iHerb uppgötvaðist að sami effekt fæst líka með Maple bragðdropum sem er bragðið af hlynsírópi, ó sá unaður. Þessir dropar rata líka oft í graut með söxuðum banana…. litlir englar spilandi á hörpu birtast.
“Franskt ristabrauð” lummur
Innihald:
150 g eggjahvítur (5 stk)
1/2 tsk xanthan gum (frá Bob’s Red Mill – fæst í Kosti)
1 mæliskeið HUSK
1 tappi maple bragðdropar
1 tsk lyftiduft
Aðferð:
Gumsa öllu í blandara eða hrærivél og hræra eins og ljónið í 3-5 mínútur. Setja 1 msk af deigi á heita PAM-aða pönnukökupönnu, þá verða þær þykkar eins og lummur.
Leyfa þeim að dunda sér á bakinu í góðar 2-3 mín svo þær bakist vel í gegn áður en þeim er snúið á magann.
Ragga Nagli 