Kirsuber og vanilla dansandi saman á tungunni er hreinlega hjónaband búið til á himnum og hvað er dásamlegra í morgunsárið en grautargleði með slíkri kombinasjón.
Naglinn fann sykurlausa kirsuberjasósu í matvörubúðinni hér í Danaveldi og upphófst dansandi partý í munnholinu því nú getur verið jólastimmung með kirsuberjasósuðum graut í morgunsárið alla daga ársins.
Haframjöl (magn eftir þörf)
klípa salt
1-2 mæliskeiðar HUSK
1-2 tsk Chia fræ
1 tsk vanilluduft
fersk kirsuber skorin í báta
Stevia vanilludropar eða gömlu góðu Kötlu vanilludroparnir
Öllu blandað saman í pott með slurk af vatni (eftir þykktarsmekk). Suðunni hleypt upp og þá lækkaður hitinn og hræra, hræra, hræra eins og vindurinn.
Slurka sykurlausu kirsuberjasósugleðinni yfir herlegheitin og ekki láta þér bregða þó þátíðarátskvíðinn geri vart við sig þegar allt er runnið ofan í ginið.
Ragga Nagli 