Horaðar sósur

Margir vilja minnka eða sleppa sykri, smjöri og rjóma í mataræði sínu.
Ekki endilega bara í bakstri heldur í matargerðinni og gera snæðingana horaðri, hollari og næringarríkari.

Sumir eru ofnæmispésar eða óþolsmelir.
Sumir vilja minnka hvíta stöffið í mataræði sínu.
Sumir eru að hugsa um mittismálið.
Aðrir að hugsa um heilsuna. Enn aðrir um almenna vellíðan.

Hver sem ástæðan er lítið mál að skera út með allskyns staðgenglum í matargerð.

Hér eru nokkrar hugmyndir á eldhúsborðið:

– Sykurlaust apríkósumarmelaði (Good Good) í staðinn fyrir mangó chutney með mat.
Til dæmis með indverskum mat, eða út á ofnbakaðan lax.

– Gera salatdressingu úr balsamediki, sykurlausu sírópi (Good Good) og sinnepi (sólberja eða French).

– Ósætaða möndlumjólk (Isola græn, fæst í Nettó) í staðinn fyrir rjóma í sósur.

– Kakónibbur (Himnesk hollusta) í stað súkkulaðispænis í uppskriftir

– Nota sykurlausa sweet chili (fæst oft í Asíumörkuðum).

– Gera eigin sykurlausa Teryiaki úr sojasósu og sykurlausu sírópi.

– Gera eigin satay sósu úr náttúrulegu hnetusmjöri, sykurlausri sweet chili, möndlumjólk, soja og limesafa.

– Gera horaða súkkulaðisósu úr ósætuðu kakói, sykurlausu sírópi og ósætaðri möndlumjólk

– Gera eigin barbikjúsósu úr sykurlausri tómatsósu (Himnesk hollusta), sykurlausu sírópi (Good Good) og smoke flavoring.

– Gera eigin mæjónessósur úr Light mæjónesi, og allskonar annarri gleði.

Kokteilsósa: sykurlaus tómatsósa + sinnep + soja
Chili mæjó: sriracha + sykurlaus tómatsósa + NOW erythritol
Sinnepssósa: French sinnep + sykurlaust síróp
Aioli: kraminn hvítlaukur + NOW Erythritol
Basil mæjó: söxuð basilika + pestó

Gleðilegt hollustuát.