Naglinn fór í búðina

Naglinn fór í búðina.

 

Í grænmetisdeildinni var kona í yfirþyngd.

 

Annar viðskiptavinur sagði: “Hey feitabolla. Veistu ekki hvað er óhollt að vera svona spikaður. Farðu í ræktina. Fylltu körfuna af gúrkum, ekki veitir þér af”

 

Við kjötborðið var grannvaxin kona að kaupa sér nautahakk

 

Konan við hlið hennar sagði: “Þetta er nú ekki heilbrigt vaxtarlag. Þú ert örugglega með átröskun. Í guðanna bænum fáðu þér rjóma.”

 

Í mjólkurkælinum var vaxtarræktarmaður að kaupa skyrdollur.

 

Maðurinn sem var að versla Nýmjólk sagði: “Hey þú ert steiktur í hausnum af sterum og ógeði sem þú dælir í þig. Það er ekki heilbrigt að vera með vöðvafíkn og búa í ræktinni”

 

Í gosrekkanum var stúlka í mínípilsi og magabol.

 

Maður kom aðvífandi með tveggja lítra kók undir handleggnum: “Hey þú Almannagjá. Ertu að biðja um að láta nauðga þér í þessum hóruklæðnaði?”

 

Í sjoppunni var blökkumaður að borga fyrir kók og prins.

 

Konan fyrir aftan hann með Lion bar og Appelsín sagði: “Hey halanegri. Drullastu aftur heim til þín og hættu að mergsjúga kerfið á Íslandi.”

 

Afgreiðslukonan á kassanum var arabísk kona með slæðu sem sagði: “Eitthvað meira kaupa?. Viltu kvittunin í pokann?”

 

Drengurinn í röðinni sagði: “Hey múslímaógeð. Lærðu almennilega íslensku. Ertu kannski með sprengjuvesti innanklæða og ætlar að drepa okkur öll eins og bræður þínir í París?”

 

Á bílastæðinu löbbuðu tveir karlmenn og báru innkaupapoka í hvorri hönd en leiddust með hinni höndinni

 

Maður að fara inn í Yarisinn sinn gargaði: “Ojj ógeðsleg ónáttúra. Það ætti að brenna ykkur á báli og sleppa bandóðum nautum í gleðigönguna til að útrýma kynvillu.”

 

 

Nei djók.

Svona talar fólk ekki hvert við annað. Ekki í kjötheimum.

Þetta er bara það sem Naglinn hefur lesið í kommentakerfum á netinu

Svona talar fólk bara þegar tölvuskjár aðskilur líkama fólks

 

Í gær var alþjóðadagur gegn einelti.

Einelti kemur fram í mörgum myndum.

Ekki bara á skólalóð milli óharðnaðra barna.

Heldur líka hjá fullorðna fólkinu í ljótum orðum, særandi setningum og fordómum.

Og þau meiða mest.

 

Þessu þarf að breyta hið snarasta með meiri ábyrgð á ummælum í á netinu.
Tökum tíu sekúndna andrými, stöndum upp og hugsum hvort við myndum segja þetta ‘andlit til andlits’ áður en við pikkum á lyklaborðið.

Advertisements