Quiche Naglans

 

Spínat-quiche

 

Einfaldleiki og fljótleiki í matargerð er kokteill sem hentar Naglanum sérstaklega vel því yfirleitt er tíminn af skornum skammti á meðan hungrið herjar á kviðarholið. Þessi baka tekur örskamma stund frá upphafi til enda svo fóðrunaraðgerðir geta hafist sem fyrst.

Quiche Naglans

Botn

1 skófla NOW baunaprótín (pea protein)

1 msk Dr. Goerg kókoshnetuhveiti

1 egg

1 msk NOW psyllium Husk

sjávarsalt og pipar

Blanda saman öllu stöffinu í botninn með smá skvettu af vatni þar til verður að þéttu deigi. Þrýsta deiginu niður í lítið hringlaga eldfast mót eða kökuform. Einnig hægt að nota múffuform

 

Spínat quiche

 

Fylling

150g eggjahvítur

steikt spínat

steiktur rauðlaukur með skvettu af balsamediki

nokkrir steiktir sveppir

steikt marið hvítlauksrif

Naturata næringarger

Sjávarsalt og pipar

Hræra steiktu grænmeti út í eggjahvíturnar ásamt salti og pipar. Hræra vel og hella yfir botninn.

Baka í 200°C heitum ofni í 15-20 mínútur.

Sáldra næringargeri yfir bökuna þegar tilbúin til að fá ostagúmmulaðisbragð.

Advertisements