Rabarbara-Ragga

Þar sem öll hólf og gólf í eldhúsi Naglans voru stútfyllt af ávextinum sem er stundum grænmeti, rabarbara, eftir sjoppingtúrinn yfir grensuna var ekki annað í stöðunni en að henda í einn grautarunað: Vanillugraut með bökuðum rabarbara….haaaalelúja, halelúja, haleeeeelúja.

Þetta unaðslega kombó hefur ekki vætt varirnar síðan á haustmánuðum og ennþá nóg af rabarbarauppskeru sumarsins í frystinum og bragðlaukarnir liggja ennþá í kóma eftir þessa sprengju í munnholinu.

Vanillugrautur með bökuðum rabarbara

1 skammtur

Grautur:

haframjöl

1-2 mæliskeiðar HUSK

klípa salt

1-2 tsk chia fræ

1/2 tsk vanilluduft

Stevia vanilla créme dropar (Nóatún/Blómaval)

Bakaður rabarbari:

6 – 8 stilkar rabbarbari

1 msk Sukrin/Stevia

1 tsk vanilluduft

1. Hita ofn í 200°C

2. Skera rabarbara í 1 cm bita og setja í eldfast mót

3. Strá sukrin og vanilludufti yfir og blanda vel saman

4. Baka í 15-20 mín eða þar til rabarbarinn er mjúkur

5. Allt hráefni í graut sett í pott með vatni (magn eftir þykktarsmekk) og kokka upp á gamla móðinn

6. Gumsa rabarbara út í þegar grautur er tilbúinn til átu og hræra varlega saman svo bitarnir haldist heilir en maukist ekki í spað. Það er svo mikið fútt að fá heila bita undir tönn.

 Dónalegur Daníel með kanil og Walden Farms pönnuköku sírópi drissluðu (skemmtilegt orð) yfir unaðinn.

Þetta át springur af fortíðarþrá þar sem dísykraður litarefnasósaður rabarbaragrautur skipaði stóran sess í mataræði Naglans á sokkabuxnaárunum.