Hindberjapönnsur

Morgungrautur með kirsuberjum og jarðarberjum og vanillu er næsta bæjarfélag við Alsælu.

Ber eru stútfull af polyphenols sem er samheiti yfir andoxunarefnin í þeim. Andoxunarefni eru talin verja líkamann gegn skemmandi áhrifum sindurefna og krónískum sjúkdómum.

Í finnskri rannsókn borðuðu 72 miðaldra þátttakendur 1 bolla af blönduðum berjum daglega í 8 vikur og niðurstöðurnar sýndu hærra LDL kólesteról (þetta góða) og lægri blóðþrýsting – hvoru tveggja jákvæðir þættir þegar kemur að heilsu hjartans (Journal of Clinical Nutrition).

Hér er því gúmmulaðisuppskrift að heilsusamlegum hindberjapönnsum.

1 dl heilhveiti/spelt/möndlumjöl

1 tsk lyftiduft

klípa af sjávarsalti

2 eggjahvítur + 1 heilt egg

1 tsk vanilludropar

1 dl kotasæla

2-3 msk mjólk (belju, möndlu, hrís, soja “eller hvad som helst”)

1 dl hindber (helst fersk, en frosin blífa fínt líka)

Blanda heilhveiti, salti og lyftiduft saman  í skál

Stífþeyta eggjahvítur

Blanda saman heila egginu, kotasælu, mjólk og vanilludropum.

Bæta hveitihrærunni út í….und zusammen blenden bitte schön.

Í lokin fá eggjahvíturnar og dásamlegu berin boðskort í partýið og allt gumsið knúsar sig létt og varlega saman.

Hita pönnu og spreyja með PAM (smjörbragð er best).

Hella 1/2 desilítra af deigi á pönnuna (eiga að vera hnausþykkar) og leyfa að kokkast í góðar 2-3 mínútur á hvorri hlið.

Bon appetit !!