Matreiðslunámskeið Naglans, Nettó, NOW – september 2015 – Myndir

Það er alltaf svo mikil urlandi gleði og glaumur á matreiðslunámskeiðum Röggu Nagla sem eru studd rækilega frá NOW vörunum á Íslandi og Nettó verslununum. Allir mæta með góða skapið í svuntuvasanum og sköpunargáfuna virkjaða til fulls.

Lærisveinarnir mæta klárir að drekka í sig fróðleik og sleppa síðan ímyndunaraflinu lausu með þekkinguna að vopni við eldavélina.

Síðasta námskeið sem fór fram 15.-17. september var þar engin undantekning. Gleðin og kærleikurinn allsráðandi.

Naglinn byrjar að röfla um vörurnar, veitir fræðslu um allt þetta stöff með óskiljanlegu nöfnin.

Allskonar Sistema box til að ferja afraksturinn með heim.

NOW vörurnar í fullum skrúða tilbúnar að breytast í allra gómsæta líki.

Naglinn fer yfir notkun og nytjar innihaldsefna til að vopnvæða landann í baráttunni við sykurpúkann.

Sköpunargleðin ríður ekki við einteyming og allskonar fyrir átvögl skríður úr ofnum, pottum, skálum og formum,

Við gerum allskonar ostakökur….

….og glúteinfrítt brauð.

Sem er öööönaður með Allos pestó.

…..og við gerum líka bráðhollar pizzur….

…..og allskonar holla sykurlausa deserta

…..og skellum síðan öllu saman í eina sæng og prófum desertapizzu

Við flöffum að sjálfsögðu og Naglinn með sýnikennslu í þeim gjörningi….

….. allir fá að smakka

Gúrmetið sem lítur dagsins ljós í sköpunargleðinni rennur síðan ljúflega niður í góðra vina hópi. Það er úr mörgu að velja svo eins gott að undirbúa sig vel.

Það er langþráð og velkomið að fá gúmmulaðið í mallann eftir þrældóminn í eldhúsinu.

Svo taka lærisveinarnir afurðirnar með heim, auðvitað í Sistema boxi, þegar ístran biðst vægðar og getur ekki tekið við meira gúmmulaði. Þá fá hinir á heimilinu að njóta góðs af.