Súkkulaði hnetusmjörs köppkeiks

Það dylst engum að Naglinn er súkkulaðisnúður og sætabrauðsmelur í sjöunda veldi. Þegar Naglinn kemst í kökuboð er fjandinn laus og græðginni halda engin bönd. En slíkt ólympískt ítroðelsi gerist einu sinni á bláu tungli, enda eins gott því annars yrðu kransæðarnar vel smurðar og rassinn ferðast suður á bóginn.
Þar sem Naglinn er líka með hnetusmjörsfíkn á alvarlegu stigi var þessi kombinasjón af súkkulaði-hnetusmjörs köppkeiks (cupcakes) til í núðlunni og Ó Gloría excelsis deo, þvílíka gúmmulaðið og aðeins örfáar karólínur í hverju kvikindi.