Þessi er virkilega djúsí og krönsjí undir tönn sem gerir át alltaf skemmtilegra, sérstaklega fyrir fólk með áferðarblæti. Hver vill sveittan KFC þegar svona gúmmulaðishollusta er á boðstólum?
Innihald:
Kjúklingabringa
Hakkaðar möndlur (u.þ.b 20 g er nóg fyrir eina meðalstóra bringu)
Parmesan ostur
Hveiti/spelt hveiti
Eggjahvíta
Svartur pipar + Salt + cayenne duft (má sleppa)
Aðferð:
Hveiti/spelt á disk
eggjahvítu í skál
Möndlur í blandara þar til þær eru gróft hakkaðar
Blanda möndlum og parmesan saman
Bringu velt fyrst upp úr hveiti/spelti þar til hún er þakin.
Velta uppúr eggjahvítu og möndlum svo þær þeki hana nokkurn veginn.
Krydda með salti og svörtum pipar.
Bakað í ofni á c.a 170-200°C í 45 mín (tími fer eftir ofni)
Ragga Nagli 