Suðrænn og seiðandi apríkósulax

Suðrænn og seiðandi apríkóslulax Naglans

 

Þessi laxaréttur kemur af stað dúndrandi partý fyrir bragðlaukana.

Sætan úr appelsínu og apríkósu í bland við knasandi kókosmjölið sendir þig í huganum á sólarströnd í Kyrrahafinu, með regnhlífadrykk í annarri hönd og sólarvörn í hinni.

 

Hann er ekki síðri daginn eftir þegar gumsið hefur náð að smjúga sér leið inní bleikt laxakjötið, svo það er gott ráð að elda nóg til að eiga afgang.

Undirbúningur er árangur og þegar þú átt holla afganga tilbúna í ísskápnum ertu ólíklegri til að hringja á sveitt teikavei eftir langan vinnudag.

 

 

Apríkósulax
fyrir 4-6

 1.5 kg Lax

3 msk Good Good sykurlaust Apríkósu marmelaði

Kreistur safi úr 1x appelsínu

1 msk Good Good sykurlaust síróp

2 msk Himnesk hollusta kókosmjöl

salt og pipar

  • Good Good vörurnar fást í Nettó

Skera lax í 4 sneiðar

Raða laxinum í eldfast mót. Salta og pipra.

Hrista öll innihaldsefnin saman í krukku nema kókosmjölinu

Hella gumsinu yfir laxinn.

Sáldra síðan kókosmjölinu yfir.

 

Baka í ofni á 200°C í 10-12 mínútur.

Berið fram með kaldri sósu, villihrís­grjónablöndu frá Himneskri hollustu og góðu sal­ati með ristuðum sólblómafræjum og fetaosti.

T.d má gera tzatzikisósu úr 5% sýrðum rjóma, fersku dilli, smátt skornum agúrkum, salti, pipar og sykurlausu Good Good sírópi.

Advertisements