Það er fátt í þessari veröld sem gleður Naglann jafn heitt og súkkulaðikaka. Og þeyttur rjómi á kantinum ætti að vera í lögum. Það er löngu skjalfest að síðasta kvöldmáltíðin verður þriggja rétta dinner af súkkulaðiköku með þeyttum rjóma í öllum máltíðunum.
En það er víst ekki hægt að gúlla svoleiðis gúmmulaði alla daga án þess að negla of miklu á belginn. Og hvað gera bændur þegar löngunin ætlar holdið lifandi að éta?
Nú þá skellir maður í holla og 100% löglega súkkulaðiköku?
Tekur örfáar mínútur svo púkinn þarf ekki að öskra of lengi.
Líka frábær aðferð til að nota eggjahvítur en margir klóra sér í skallanum um hvernig megi nýta þær svo úr verði gómsæti.
Svo má fiffa og snurfusa eftir “smag og behag”.
– bæta við bragðdropum (Stevia eða Kötlu: piparmintu, vanillu, möndlu, sítrónu, appelsínu, karamellu
-hakka hnetur, valhnetur, möndlur og setja í deigið
-hræra Hershey’s kakó (Kostur), sætuefni og eggjahvítu saman og voila komið krem…. og kókósmjöl yfir eins og skúffurnar í afmælunum í gamla daga.
-vanilluprótínflöffi skúbbað ofan á lufsuna til að fá þeytta rjóma effektinn og skilningavitin springa af hamingju
-hnetusmjörssósa yfir herlegheitin fer alveg með þetta í aðra vídd. Soðið vatn hellt út í hnetusmjör þar til hún verður þunn og hellt yfir heita súkkulaðikökuna…. úfff…. lyklaborðið er ónýtt af sleftaumum.
Ragga Nagli 
Pingback: Sítrónulummur | ragganagli
Pingback: Næst á dagskrá í maí | rebbalingur