Ég Á að….

Ég Á að vera búinn að nesta mig fyrir morgundaginn

Ég Á að gera hnébeygjur, bekkpressu, armbeygjur, burpees mörgum sinnum í viku

Ég MÁ ekki borða glútein, mjólkurvörur, dýraafurðir, aspartame

Ég Á að vera með sýnilegan kvið

Ég ÞARF að komast í brók númer X

Ég ÞARF að eiga nýjustu Under armour spjarirnar, Mizuno hlaupaskó og auðvitað léttasta hjólið

Ég ÆTTI að hlaupa Laugaveginn, Reykjavíkurmaraþon, Jónsmessuhlaup

Ég ÆTTI að æfa fyrir Cyclothonið

Ég ÆTTI að keppa í Þrekmótinu, 5×5 og Reykjavíkurleikunum

 

Það er of auðvelt að sogast inn í samviskubitsvæðinguna þegar kemur að mataræði og hreyfingu.

 

Allt sem þú ÁTT að gera

Allt sem þú ÞARFT að gera

Allt sem þú ÞARFT að eiga

 

En hvað með að skipta um filter og horfa á allt sem þú ert þegar að gera?

Allt sem þú gerir nú þegar í dag og getur bætt við.

Allt sem þú átt nú þegar. Þarftu að eiga meira?

Þarftu í raun að gera alla þessa hluti eins og fólk á samfélagsmiðlum, bleiku síðunum og glanssneplunum.

 

Vertu þín eigin útgáfa af hreysti.

 

Advertisements