Matreiðslunámskeið Röggu Nagla hafa heldur betur slegið í gegn og nú þegar hafa hundruðir Íslendinga fengið innblástur í hollustugúmmulaðisgerð sem gerir heilsulífið að dansi á rósum. Naglinn hefur fengið fjölmargar fyrirspurnir hvenær verði aftur námskeið í heimahögunum Danaveldi að skapa hollustugúrmeti í frábærri stemmningu og skemmtilegum félagsskap.
Auðvitað reynir Naglinn að verða við öllum óskum elsku fylgjenda sinna, og fagnar áhuganum á að víkka sjóndeildarhringinn í heilsugúmmulaðissgerð.
Þess vegna…….
verður haldið matreiðslunámskeið laugardaginn 6. febrúar 2016 í eldhúsi ReTreat, øresundsvej 148. Kaupmannahöfn.
Fátt er betra í baráttunni við sykurpúkann en að vera vel vopnum búinn af gleðilegum uppskriftum af allskyns gúmmulaði og þekkingu og notkunarmöguleikum á hinum ýmsu heilsuvörum, frá NOW og öðrum.
Nýtt matreiðslunámskeið í Kaupmannahöfn laugardaginn 6. febrúar 2016 kl 14-18.
Námskeiðið er stutt dyggilega af hinum frábæru, hreinu og gæðavottuðu vörum NOW á Íslandi.
Þar sem Nettó er því miður ekki í Danaveldi koma þeir ekki að málum nema í því hráefni sem verður ferjað yfir hafið í hinum ýmsu veskum og töskum.
Eins verður hægt að kaupa Heilsubók Röggu Nagla á staðnum og fá gripinn áritaðan. Verð 200 DKK
Under Armour sér síðan til þess að Naglinn sé sæmilega til fara og húsum hæf innan um lærlingana í gúrmetisgleðinni. 
Hvað verður gert? Við munum gera allskonar uppskriftir fyrir átvögl í hollustugúmmulaði, bæði deserta til að friðþægja sykurpúkann og mataruppskriftir fyrir söltu tunguna svo allir fái innblástur til að gera heilsulífið að dansi á rósum. Ragga Nagli verður jafnfram með fræðslu um allar vörurnar sem við notum í uppskriftirnar svo fólk geti víkkað sjóndeildarhringinn og öðlist þekkingu til að nýta stöffið heimafyrir í nýjar kombinasjónir.
Hvar verður gleðin. Retreat øresundsvej 148. Við hliðina á Metro stöðinni og við Amager Strand.
Hvenær er mæting? Laugardaginn 6. febrúar kl 14:00 og gert ráð fyrir að slútta húllumhæinu uppúr kl. 18:00.
Hvað á ég að koma með? Svuntu til að hlífa spjörunum, nestisbox (t.d Sistema) undir afrakstur erfiðisins, óbeislaða sköpunargleði í maraþonið í eldhúsinu og gríðarlega svengd því við gæðum okkur öll saman á góðgætinu á eftir. 
Hvað kostar? Verð = 800 DKK sem greiðist fyrirfram í gegnum PayPal til að tryggja þátttöku á námskeiðinu.
Athugið að einungis eru 12 pláss á námskeiðið. Frumskógarlögmálið “fyrstir koma, fyrstir fá” er því í fullu gildi.
Hér og hér og hér eru myndir frá húllumhæinu af fyrri námskeiðum.
Smáa letrið: Það þarf að greiða fyrirfram til að taka þátt. Ekki verður ekki hægt að greiða á staðnum. Ekki er skráð á biðlista ef selst upp á námskeiðið. Miðaverð fæst ekki endurgreitt né er hægt að breyta um dagsetningu. Ef forföll koma upp er hægt að auglýsa miðann til sölu á viðburðinum á Facebook, eða skipta við annan þátttakanda á annarri dagsetningu..
Ragga Nagli 